मुलुंड (उमेश यादव) : देशात चं नव्हें तर संपूर्ण जगातच या कोरोना विषाणूने विळखा घातला आहे. गेल्या कित्येक दिवसांपासून देश देखील लॉकडाउन मध्ये आहे. जनतेने देखील देशाचे पंतप्रधान आणि महाराष्ट्राचे मुख्यमंत्री यांनी दिलेले आदेश पाळण्याचे मनावर घेतलेले दिसून येत आहे. आपण घरात बसून आहोत परंतु आपलं सरकार हे आपल्याला वाचवण्यासाठी दिवस रात्र प्रयत्न करीत आहेत. मनुष्य म्हंटल की मरणाची भीती ही आलीच, परंतु तरी देखील आपण सर्व नागरिक या कोरोना व्हायरस ला बळी पडू नये यासाठी पोलीस प्रशासन, डॉक्टर्स, सफाई कामगार हे आपल्यासाठी स्वतःच्या जीवाची पर्वा नं करता, आपल्या परिवारापासून दूर राहून रात्रंदिवस मेहनत करत आहेत.
